أضحك بس من غير ضرب أوك؟

7ouda_014 · 12-06-2008, 12:47 PM

ركزوا معايا

ليه ابوتريكة بيلبس فانلة 22 ؟

عشان 21 ضيقة عليه

طب ليه مبيلبسش 23 ؟

عشان فلافيو بيلبس 23

طب ايه هو الحيوان التعيس؟
القطة

ليه؟
عشان ديما تخربش ومتكسبش

طب ايه الحيوان اللي دايما مشغول؟

الخرتيت .. تيت .. تيت

طب ايه الحيوان اللي بياكل ويشرب بديله؟

الحيوانات بتاكل وتشرب بدلها .. عمرك شفت حيوان ساب ديلو وراح ياكل؟

طب ايه اقدم حيوان؟
الحمار الوحشي .. عشان ابيض واسود

طب ايه هو اجدد حيوان؟
القنفد .. ليه ؟

عشان بشوكه

اجدد حيوان هو الكنجارو علشان بكيسه

طب ليه التلاجة غبية؟

عشان بتحفظ الاكل .. مبتفهموش

واحد عنده 100 ولد جابلهم ميتسوبيشي و كل واحد خد سوبيشي

مرة حلة رز شاطت جابت جون

ليه الانسان مفيهوش بزر؟؟؟
علشان بصرة!!!!!!!

ليه الاهرامات منتعشة ؟؟؟؟؟؟؟؟
علشان قدامها ابو الهولز!!!!!!!!

ليه eminim بيركب ميكروباص؟؟؟؟؟؟؟
علشان ماشي ومعاه 50 cent

ليه مينفعش تلعب كورة يوم الجمعه؟؟؟؟؟؟؟
علشان الكورة بتبقى مع دريم!!!!

ليه الغواصين بيتكلموا بلغة الاشارة؟؟؟؟؟؟؟؟
علشان الحيتان ليها ودن

مرة واحد راح يشتري 3 بناطيل جينز
واحد levis و واحد lee و واحد لاخوه

اوعى حد يضرب نار انا هستخبى لغاية ماتقروهم

hafizatig · 23-06-2008, 03:35 PM

هههههههههه
موتنى من الضحك

7ouda_014 · 23-06-2008, 05:29 PM

اقتباس:

المشاركة الأصلية كتبت بواسطة hafizatig

هههههههههه
موتنى من الضحك

ألف بعد الشر عليك
ودامت ليك الضحكه
شكرا لكـ
hafizatig

emanda · 23-07-2008, 01:20 PM

ههههههههههههههه

حلوين قووووووووووووووووووي يا حـــــــــــودة

مرسي يا باشا

في انتظار جديدك

جنه · 23-07-2008, 04:59 PM

كلها جميله يا حوده
شكرا اخى الكريم لمحاولتك
ادخال البسمه على شفاه اعضاء
منتدانا الحبيب
تقبل مرورى اخى الفاضل

midoviga · 24-07-2008, 03:46 PM

هههههههههههههههههههههههه

بس انت قولت ايه ...مسمعتكش وانت بتقول من غير ضرب

اما اشوف وشك بس ههههههههههه

لا بجد جماد جدا يا صحبى

تسلم ايدك

لك ارق تحياتى

فتاة الغد · 30-08-2008, 09:21 PM

هههههههههه