أبليس ملوش عيش فى بلدنا

12-06-2008, 01:04 PM

على باب سفارة كندا ..
لمحت ابليس و ف ايده استماره ..
بقول له على فين ..
قاللي بص ..
يا هجره يا اعاره ..
يا عم زهقت كفرت ..
الاقيش معاك سيجاره ..
انا انتهيت خلاص ..
لا نافع وسواس ولا خناس ..
ولا ليا عيش وسط الناس ..
دي عالم مجرمين
عندكوا فائض ف الفساد ..
في كل البلاد ..
ومش محتاجين شياطين ..
مليش عيش ف البلد دي ..
بقالي سنين عاطل ..
و انتوا بتعرفوا ..
تقلبوا الحق باطل ..
و تسلكوا القاتل ..
و تمشوا ف جنازة المقتول ..
ومفيش مشاكل ..
يا عم ده انا بقيت أوسوس بالمقلوب ..
و أقول للحرامي كفايه بقى توب ..
انت هاتعمل كل الذنوب لوحدك ..
و أنا ابليس ..
أشتغل واعظ .. !!
ولا كمساري ف اتوبيس ..
يا عم ده انا زمان ..
كنت استنى حد ينسى ..
يسمي ..
وهو بياكل لقمته ..
دلوقتي كل اكلكم ملوث ..
و بصراحه الواحد خايف على صحته ..
ده مفيش ضمير اساسا ..
عشان اموته ..
و كل واحد بمزاجه ..
خربانه ذمته ..
يا عم ده كل حاجه اتسرقت ..
وكده الاجيال الجديده ..
م الحراميه اتظلمت ..
يا راجل ده من كتر ما لطشت معايا ..
خرجت ف مظاهره ..
مع الناس اللي بتقول كفايه ..
و برضه مفيش فايده........

13-06-2008, 09:49 AM

هههههههههههههههههههههههه
هههههههههههههه
ههههههههههه

يخرب عقلك يا حودة

جامدة دي

مرسي يا باشا علي الضحكة دي

واعوذ بالله من ابليس اللعين

ومن شياطين الجن والأنس كمان

وبقولك ايه

سيبه يسافر السكة اللي تودي

13-06-2008, 04:48 PM

هههههههههههههههههه
هههههههههههه
هههههههه
ههههه
ههه
هه
ه

يا حوووووووووووووووده يا جامد

ايه يابنى الكلام الجامد ده

والله ضحكتنى من قلبى

يسلمو على الموضوع الرائع

لك ارق تحياتى

13-06-2008, 05:36 PM

اقتباس

المشاركة الأصلية كتبت بواسطة emanda


	هههههههههههههههههههههههه هههههههههههههه ههههههههههه يخرب عقلك يا حودة جامدة دي مرسي يا باشا علي الضحكة دي واعوذ بالله من ابليس اللعين ومن شياطين الجن والأنس كمان وبقولك ايه سيبه يسافر السكة اللي تودي

أسيبه؟
هو أنا ماسك فيه غير
علشان خاطرك
عارفك مش تقدرى على بعده
ههههههههههههههههه
شكرا لكـ
إيمى

13-06-2008, 05:39 PM

اقتباس

المشاركة الأصلية كتبت بواسطة midoviga


	هههههههههههههههههه هههههههههههه هههههههه ههههه ههه هه ه يا حوووووووووووووووده يا جامد ايه يابنى الكلام الجامد ده والله ضحكتنى من قلبى يسلمو على الموضوع الرائع لك ارق تحياتى

أنت الى جامد يا باشا
ودامت ليك الضحكه دائما
شكرا لكـ
ميدو

23-06-2008, 03:26 PM

هههههههههههه
حوده ابدعت فيها

23-06-2008, 05:11 PM

اقتباس

المشاركة الأصلية كتبت بواسطة hafizatig


	هههههههههههه حوده ابدعت فيها

أنت الى مبدع والله بمواضيعك
شكرا لكـ
hafizatig

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)