يا ولكم ..:(......نورت مصر

11-07-2008, 04:29 PM

نورت مصـــــر ... يا ولكم

قد يعتقد البعض ان هذا المقال يعبر عن دم حبى لبلدى ..
لا والله .. فأنا والحمد لله أعشق تراب بلدى .. ولكن كل شىء يحدث حولنا يثير الجنون والغضب والفزع والحزن ايضا ..
على بلد نعتبرها جميعا ام الدنيا .. اعتبر ان هذ الموضوع صرخه ساخره .. صرخه لم تستطيع ان تنطقها الحناجر .. فتركت القلم ليرسمها كيفما يراها ..
هذه دعوه منى لترسم معى فى نفس اللوحه ..

يا ريت ما تكسفنيش .. ويا ريت تفهمنى صح ..

نورت مصر ... دى طبعا زى ما انت عارف الحمله الاعلاميه الجديده لبلدنا العزيز .. حمله بتوصفلك كل حاجه فى مصر قبل ما تزورها ..
بتوريك من اول لاهرامات وأبو الهول وخان الخليلى ونهر النيل لحااااااد ( وهو أالاهم طبعا بالنسبه لمخرج أالاعلان ) راقصات شارع الهرم ..
الواحد يا أخى مش عارف ليه كل أما يعملوا أعلان عن مصر يجيبوا الاشكال دى " .. وهو يعنى البلد لو نضفت السياحه هتنضرب ؟ أيه ؟.. ده رائيك يعنى ؟: ماشى

والشىء الاجمل من كده هو طبعا شعار الحمله ( نورت مصر ) .. اللى تكرم عدد كبير من ممثلينا العظام بالتضحيه بوقتهم الثمين وتوفير بعض دقائق -
من أجل رفعه الوطن وسلامه اراضيه - لنطق شعار الحمله ( نورت مصر ) وما يفوتكمش طبعا صوت الفنان ( سامى .... ) وهو بيقول ( نورت مصر )
اللى وقعها فى نفس الواحد بيكون ( اوعى تيجى مصــــر .. انا بقولك اهوا .. )

- والسؤال المحير هو : ألا يوجد فى مصر سوى الراقصات والممثلين للأعلان عنها ؟؟؟

انا اقترح تغيير شعار الحمله من ( نورت مصر ) الى ( فضحت مصــر ) ..

(( بقــــــــــلمى ))
midoviga

اذا البدايه نالت اعجابكم سوف اضيف للموضوع الكثير .... فمازال فى مخيله عقلى الكثير مما اكتبه وهذا على ما اشاهده يوميا

وانتظر مشاركتكم

13-07-2008, 08:34 PM

صدقت ميدوفهذه الاعلانات اصبحت
اعلانات يرثى لها فهى تضر اكثر ماتفيد
وتظهر مصر بمظهرغير حضارى بالمره
شكرا اخى لمجهودك الواضح

14-07-2008, 01:22 AM

اقتباس

المشاركة الأصلية كتبت بواسطة جنه


	صدقت ميدوفهذه الاعلانات اصبحت اعلانات يرثى لها فهى تضر اكثر ماتفيد وتظهر مصر بمظهرغير حضارى بالمره شكرا اخى لمجهودك الواضح

الحمد لله اصبح لى الان صديق سيحتذى به فى زنزانه ابو زعبل

انتظرى البقيه تأتى فهناك العديد من المشاكل فى مظاهر السخريه

لكى ارق تحياتى على مرورك الرائع

14-07-2008, 05:11 AM

ماشى ياميدو انا فى الانتظار
بس المهم نلاقى حد يجيب العيش والحلاوه
ولاالصنف ده اتلغى

14-07-2008, 12:09 PM

اقتباس

المشاركة الأصلية كتبت بواسطة جنه


	ماشى ياميدو انا فى الانتظار بس المهم نلاقى حد يجيب العيش والحلاوه ولاالصنف ده اتلغى

ستعلمين هذا فى باقى الموضوع

وفى الرد التالى سوف تحصلين على جزء اخر من الموضوع

جزاك الله كل خيررره يا جنه على متابعتك الرائعه

وزنزانه واحده تجماعنا على خير (( بس قولى ان شاء الله ))

14-07-2008, 01:59 PM

سأفكر فى موضوع السجن ده
ياعم الجبن سيد الاخلاق
خلينا جنب الحيط
خد بالك الكلام ده
(كده وكده)
علشان اخونا البعدا

14-07-2008, 02:19 PM

اسمحوا لى اقدم الجزء الثانى من السخريه اقصد المقال بتاعى .............

الكل طبعا يعرف روايه ( عماره يعقوبيان ) للكاتب (علاء ألاسوانى ) .. وما قد لا يعرفه البعض ان للكاتب قصه بعنوان ( الذى اقترب وراأى ) * بعد بحث *
فى القصه دى يعلن البطل نفوره الشديد من مصر والمصريين , والسبب هو انه مش شايف اى مميزات فى الشعب المصرى ::

تصور أحنا مافيناش مميزات ؟؟

بيقول ان احنا شعب جبان ( ده البطل مش المؤلف ) وما عندوش ذمه ومنافق وخبيث ومتخلف ... ألخ ( ليه يا عم كده بس .. )

ده أحنا شعب عنده حضاره سبعتلاف سنه ...
وعندووووووووو
وعندووووووووو
وعندووووووووو ... أه ..احم احم

ما اكيد عنده حاجه تانيه ..

أأأه .. عنده حضاره سبعتلالالالالالالالالالالاف سنه ... ايه مش كفايه ؟؟

عنده حتشبسوت , ورمسيس , ومينا موحد القطرين ..

وعنده نواب مجلس الشعب ... بيسرقو الشعب ,,, ويخلعوا بره بفلوس الشعب ..

وعندوه موظفيين ميه ميه ..
منتهى النشاط , بمجردد أنهم يشوفوا العشره جنيه فى ايد المواطن ..اللى هو واحد من الشعب فوووووووو على طول (( مش بقولك نشاط ))

وعندوا حكومه بتحترم حريه الرأى بتاعت الشعب ..
وشعارها : (( قول اللى انت عاوزه .. وانا هاعمل فيك اللى انا عاوزه ))

شفت ديمقراطيه من النوع ده فى بلاد بره ؟؟

طبعا لا .....

والموصلات .. يا اوحى يا اوحى على الموصلات .. دى لوحدها يتكتب فيها دواوين شعر .. (( وسوف اتحدث عنها من حيث انتيت فى الفقره السابقه ))

طبعا هناك المزيد لسه لنتحدث عنه
ولكن لنأخذها واحده واحده ونتكلم ويكون موضوع كامل للنقاش

ولا ايه رائيكوا وأحط كل جزء فى موضوع مستقل ..... ها سمعونى ........ منتظر مشاركتكم حتى اكمل ما بدأته .
.................................................. ............... .....

14-07-2008, 06:39 PM

بالراحه ياميدو
انت مستغنى عن نفسك يابنى
آآآآآآآآآآآآآآآآآآه احنا دوله ديمقراطيه
وحريه الرآى مكفوله
بس لفئات معينه مش احنا ياعم

18-07-2008, 09:32 AM

اقتباس

المشاركة الأصلية كتبت بواسطة جنه


	بالراحه ياميدو انت مستغنى عن نفسك يابنى آآآآآآآآآآآآآآآآآآه احنا دوله ديمقراطيه وحريه الرآى مكفوله بس لفئات معينه مش احنا ياعم

يا عزيزتى منا قولت امشى جمب الحيط زى ما قولتى

بصى بقى الموضوع لسه كبير

ولسه عندى وفى جعبتى الكثير علشان اقدر اتكلم فيه

لو مستغنيه عن نفسك ابقى ادخلى ردى

وربنا يستر بقى

18-07-2008, 09:34 AM

كنا وصلنا الى....

والموصلات .. يا اوحى يا اوحى على الموصلات .. دى لوحدها يتكتب فيها دواوين شعر ..

جميع انواع الموصلات عندنا على مستوى عالى ...

يا أما تنفجر .. يا أما بتغرق .. يا أما بتولع .. ويا اما بتخبط فى بعض ..أمال ايه ؟؟ تنوع ..وكل نوع وامكانياته واللى ربنا يقدره عليه ..

ومسئولين الحكومه مالهمش دخل طبعا ؟؟ لأن اخطأ فى جميع الحالات بيكون خطأ بشرى .. يعنى من الشعب وللشعب

وأحد هذه الحوادث طبعا زى مانت بردوا أكيد عارف هو حادث القطارين .. قطار المنصوره وقطار الاسكندريه , واللى الخطأفيه كان طبعا خطأبشرى ..

والمسئولين ما بنشوفهمش غير على قناه الجزيره ..لان مصر مافيهاش حد يحاسهم ...

ويكون الحوار كالآتى ....

المذيع / ما حدث فى مصر شىء غير معقول .. حوادث القطارات الكثيره جدا ..كل اما الناس تنسى حادثه تيجى حادثه تانيه تفكرهم
.. ايه موقف الحكومه بالنسبه للموضوع ده ؟؟

المسئول / أولا حادثه القطار بتاع الصعيد ما كانش للحكومه ذنب فيها .. القطار ولع قضاء وقدر ..

المذيع / طيب والناس اللى اتفحمت دى ؟؟

المسئول / الناس دى ماتت لآن ما عندهاش لياقه بدنيه , ميت مره نقول .. الرياضه يا ناس .. الراضه يا سياده .. الرياضه يا شعب ,
ما حدش بيسمعلنا .. الخلفه هدت حيلهم .. غيرهم نط من القطر وربنا كتبله عمر جديد ..

المذيع / ما هو اللى نطوا من القطر ما سلموش برده .. منهم اللى طلع مكسور واللى طلع بعاهه مستديمه ؟؟

المسئول / يعنى بزمتك عاهه مستديمه ولا يتفحم ؟؟

المذيع / أه .. وجهه نظر برده .. طيب ينطوا أزاى والشبابيك كان عليها قطبان حديد ؟؟

المسئول / ماهو انا قلت لك يا أستاذ ميدو .. الناس ماعندهاش لياقه .. ما هو لو كانوا بيلعبوا كراتيه ولا كونجفو كان زمانهم عرفوا يكسروا القضبان ..
لكن هنقول ايه بقى .. مافيش وعى رياضى ..

المذيع / طيب القطر كان بيتنضف بجاز .. وده اللى ساعد على الاشتعال ..؟؟

المسئول / يووووووه .. ننضف مش عاجب .. نسيبه وسخ برده مش اجب .. طيب نعمل ايه بس ؟؟

المذيع / أه والله .. عندك حق .. طيب والحادثه الاخيره ..؟؟

المسئول / أهى الحادثه الاخيره دى بالذات بقى الحكومه مظلومه فيها .. الخطأ بضشرى مليون فى الميه ؟؟

المذيع / أزاى بقى ؟؟

المسئول / أقولك يا سيدى ..السواق بتاع قطر المنصوره هو اللى مش عارف الاشارات كويس ..

المذيع / وايه هى الاشارات دى بقى ؟؟

المسئول / ثانيه واحده اطلع كود الاشارات

المذيع / يااااااه .. كل ده ؟؟
المسئول / ايه ؟ .. كبير اوى ش كده ؟؟ عشان بس الناس ظلمه الحكومه .. بص يا سيدى فى الصفحه .. مثلا يعنى مثلا .. فى صفحه 3549 :
اللون البمبى المسخسخ ( خلى بالك لازم يكون مسخسخ ) .. ياسيدى يعنى تقف .. اللون التركوواز يعنى ..

المذيع / التركواز ..؟؟

المسئول / أم امال ايه ..دحنا مواكبين العصر ..

التركواز ..يعنى .. ممم هدى شويه , اللون الليلا يعنى اوعى تقف واللون الاخضر المصفر يعنى امشى على طول ..

المذيع / طويب وايه الفرق بين اوعى تقف وامشى على طول ؟؟

المسئول / أوعى تقف أسرع من امشى على طول .. أمال ايه ؟؟ لازم يكون فى دقه ..

المذيع / أأأأأأأأأأأأه

وفى النهايه

أنا رائى أن الواحد لازم يكتب وصيته قبل ما يركب اى موصله ... الواحد مش ضامن عمره ,,

يااه شفت مصر حلوه قد ايه المسؤليين ظرواف ازاى ... انا بقى عندى شعار جديد لحمله اعلانيه جديده مهده من الحكومه المصريه والشعب المصرى الى الشعب المصرى واى حد عاوز يزور الشعب المصرى وهي اغنيه

الفنان محمد منير ))

(( خايف اوعدك موفيش ....اقولك في تلاقى مافيش ))

وبجد بقولها من كل قلبى لكل واحد من مصر يعنى من الشعب .. واى حد بيشاور عقله ويزور مصر ,, ربنا يرجعه لأهله بالسلامه ..

وبقوله من كل قلبى .....نورت مصـــــــــــر ........

كل يوميا اقراء واشاهد المزيد من مشاكل

ولسه للموضوع بقيه

فأعتقد ان الموضوع لم يتوقف على 3 اة 4 مشاكل فقط

ارجوا ان تشاركونى الرائى

لكم ارق تحياتى