كان صاحبى (غدر الاصدقاء المميت)

كروان الحنين · 14-07-2008, 11:18 PM

كـــــان صــــاحبــــــــى
كنت ماشى فى طريقى لا بيه ولا عليا ..
قابلنى واحد وخد بإيدى وبقى كل ماليا ..
حبنى وحبيته.. وفوقت حزنه ضميته ..
ووقت فرحه والله مالاقيته ..
كنت فاكر إن وعده بصحبته ليا ..
هتبقى نور عنيه زى ماهو نور عنيا ..
لكن .. اللى غدربيا.. كان هو ..
اللى ضحك لدموع عنيا.. كان هو ..
اللى ضيع أغلى ماليا .. كان هو ..
وبعد دا كله كنت هسامح ..
كنت هنسى غدره الجارح ..
بس مسبليش اللى بيه أسامح ..
كسر اللى بينا .. وشوه الملامح ..
قال كلام عنى وخاض فى سيرتى ..
حب يدمرنى ويزيف حقيقتى ..
قتلنى اللى كنت فى يوم صاحبه ..
ولا عمرى أذيته ولا جرحته ..
كان صاحبى .. كان نفسى ..
أضحى عشانه .. وهو يكسر نفسى ..
وليه اتحمله ؟ عشان كان صاحبى !!
ياللى من قلبى صدقت طيبتك ..
ياللى من حبى اتعميت عن غدرك ..
هفضل غصب عنى فاكر أيامنا وفاكرك ..
وهتفضل فى ذاكرتى .. وأنا فى ذاكرتك ..
ويوم مأموت -يا صاحبى- وتفتكر ظلمك ..
أبقى اندم وقول:
"أزاى أذيته ودمرته .. ازاى دا كان بردوا صاحبى "
.......... دمـــــــوع الحنيـــــــــن ............
.......... نـــــــــــــــــــــــورا ................

كريم رضا · 15-07-2008, 08:02 PM

كروان الحنين · 15-07-2008, 09:30 PM

السلام عليكم ورحمه الله وبركاته
يسلم مرورك اخى الفاضل
وتقبل فائق الاحترام