سبهــم يهــونــوا عليــك.. زى ما هنــت عليــهـم

كروان الحنين · 18-07-2008, 08:29 PM

سبهم يهونوا عليك .. زى ما هنت عليهم

اّه يا قلبى اّه .. اّه ماللى خانوك
اّه ياقلبى اّه .. اّه ماللى باعوك
وفيت ياقلبى ليهم ومسحت دمع عنيهم ..
فرحت لياليهم .. أخرتها داسو عليك ..
.. اّه ياقلبى اّه ..
بالدمع سهروك .. بالحزن سكنوك ..
وازاى ياقلبى باعوك .. ازاى
قالوا احنا نوفى .. نوفى مبنخلفش ..
قالوا احنا كلامنا .. كلامنا مبيكدبش ..
وأديتهم الامان ,ورموك بلاحزان,وأدى اصلهم بان
وهو دا الزمان ..على مين هتبكى ياقلبى ..
على خاين ولا جبان ..
بكرة الدور عليك .. تاخد حئك بأيديك ..
وتمسح دموع عنيك ..وترميهم فى ظلمهم ..
زى ماهنت عليهم .. سبهم يهونوا عليك ..
انت ياقلبى خلاص مبقتش منهم ..
اللى افتكروك ضعيف .. لازم يبكوا عليك .. ويعترفوا بذنبهم ..
يقولوا ليه خانوك .. وليه ياقلبى باعوك ..
وانت ياقلبى ليه .. رضيت بذلهم ..
ايه منك أذاهم .. وايه منك بكاهم .. وليه ليك -ياقلبى- ليه ظلمهم
متتسمحش ياقلبى .. دا حئك مش حئهم ..
اّه ياقلبى اّه ماللى انت عشقتهم ..
دفنوك فى قبر .. قبر غدرهم ..

midoviga · 18-07-2008, 11:48 PM

اختى العزيزه كلماتك جميله جدا

ولكن مع احترامى وتقديرى لكى

اتكتبى كلمات غنائيه ام تكتبى خواطر شعريه

دمتى بكل خير

لكى ارق تحياتى

كروان الحنين · 19-07-2008, 01:58 AM

السلام عليكم ورحمه الله وبركاته
اشكرك يا ميدو على مرورك
اما بالنسبه للاغانى او خواطر
اكدب عليك لو قلت انا عارفه انا بكتب ايه
انا كل اللى بحس بيه بعبر عنه بكلمات
وزى ما تيجى بقى اغنيه خاطره اى حاجه
وتقبل فائق احترامى

midoviga · 19-07-2008, 02:12 AM

اقتباس:

المشاركة الأصلية كتبت بواسطة دموع الحنين

السلام عليكم ورحمه الله وبركاته
اشكرك يا ميدو على مرورك
اما بالنسبه للاغانى او خواطر
اكدب عليك لو قلت انا عارفه انا بكتب ايه
انا كل اللى بحس بيه بعبر عنه بكلمات
وزى ما تيجى بقى اغنيه خاطره اى حاجه
وتقبل فائق احترامى

كده انتى صح ,, اسف فى التعبير

ولم اقصد طبعا انى كنت أكذبك او شىء من هذا القبيل

ولكن شعرت بذلك فى قرائت ما تكتبين

فه هواجس مرتبه تنعم فوق السطور بشكل جميل

لها اذان موسيقيه وكلمات ساحره

بارك الله فيكى

لكى ارق تحياتى

كروان الحنين · 19-07-2008, 03:51 AM

السلام عليكم ورحمه الله وبركاته
والله يا ميدو انا مش بهتم بالمسميات
لما بلاقى ثقل على قلبى فبخرجه على الورقه بكتابه
تخاريف بقى هواجس اى حاجه مش مهم
المهم انى افضفض مع حد غير البنى ادمين
فبكتب اللى بيطلع دا وانا حبيت المنتدى
فبحط فيه اى حاجه بتبقى فى بالى
واتمنى انى مكنش بتقل عليكم وانها تنال اعجابكم
وتستحملوا تعبيراتى البسيطه
ولكم منى فائق الاحترام

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)