midoviga علي كرسي الإعتراف هذا الأسبوع

emanda · 21-07-2008, 12:05 AM

ننظرا لتغيب العزيزة

شامة المغربية

فلقد سمحت لنفسي باستضافة احد الأعضاء

الذي تميز بالنشاط الملحوظ منذ دخوله الي المنتدي

ولي الشرف أنني تعرفت علي شخصية مثله

فهو يتميز بصفات رائعة احسده عليها احياناً

ويستحق كل تقدير

وسوف تلمسون هذا بأنفسكم من خلال

اسئلتكم له واجابته عليها

ضيفنا هذا الأسبوع كما هو واضح من عنوان الموضوع

المتالق

midoviga

مرحباً بك علي كرسي الإعتراف

خد وضعك كده وحضر نفسك

هاروح اجيبلك شوية اسئلة خفيفة كده وحاية علي طووووووووووووول

اوعي تتحرك من مكانك

مفهووووووووووووووووم

وأرجو من الأعضاء الأفاضل المشاركة في عصر ..
احم احم

قصدي تقطيع .. يوووووووووووه

اقصد يعني المشاركة
في وضع الأسئلة التي تجول في خاطرهم

حول ميدو لكي نقترب اكثر من شخصيته

تحياتي وتقديري

midoviga · 21-07-2008, 12:44 AM

مش عارف اقولك بصراحه يا ايمى على المقدمه الرائعه دى

والله يا بنتى انا اللى بحسد نفسى على صدقتك الغاليه

اللى مش عاوزها تانى

اقصد اللى اتمنى انها تدوم

فى كل مكان كده تكونى موجوده

بسم الله ما شاء الله

بعد تغيب تيجى تنعش الموضوع بكل حياويه

بارك الله فيكى

مش عارف اقولك ايه

نفسى اقولك حاجات كتير انتى اكيد حساها من ورا كلامى

انا لو بمتحن ثانويه عامه مش كنت اتعذبت كده

مرسى يا ايمى على الاستضافه اللى انا اقبلتها طبعا واختيارك ليه

aboel3zm · 21-07-2008, 12:08 PM

منور ياميدو الكرسى بجد
يلا هديك كام سؤال خفيف
وياريت كله يعمل كده
بلاش 1000 سؤال مره واحده
----------------------

1- موقف حصل او ظرف مريت بيه أثر عليك سلبا او ايجابا او غير من طريقة تفكيرك؟
2- موقف محرج اتحطيت فيه؟
3- مقلب عملته فى حد؟
4- مقلب اتعمل فيييييك؟
5-زمااااان وانت صغير كنت بتهرب من المدرسه؟
6- ايه ممكن يخلى midoviga يبكى؟
7-midoviga راضى عن نفسه بنسبه كام؟
8- اكتر حاجة ممكن تضايقك من اللى قدامك؟
9- ايه اللى ممكن تشوفه فى حد من صفات تخليك تمسك فيه بايدك وسنانك؟
10- باقة ورد لمن تهيدها؟
11- باقة شووك لمن تهديها؟

يلا كفايه كده ولينا عوده

emanda · 21-07-2008, 01:24 PM

لا لا لا لا لا لا لا لا

ايه الدلع ده

مش من اولها كده يا
aboel3zm

احنا لازمن نوجبوا مع ميدو بالقوووووووي

قولي في الأول

اسمك وسنك وعنوانك وتاريخ ميلادك
وتاريخ تخرجك
ورقم تليفونك
وعنوان بيتك
والذي منه

صحيح انت من مواليد فين ؟ يعني اتولدت في نفس البلد اللي انت عايش فيها حالياً ؟

ايه هي هواياتك ؟

وما هاي احب هواية فيهم اليك ؟ ولماذا ؟

حبيت كام مرة .. ؟
احسب لنا كده انا عارفة ذاكرتك قوية
اوعي تحمرق في واحدة

مين اكثر الأشخاص الذين أثروا او مازالوا يؤثرون في حياة ميدو ؟
يا ريت كام اسم كده علي ما قسم

في حاجة في حياتك نفسك تعملها ومش قادر ؟

لو ركبت ألة الزمن تحب ترجع لعصر قديم ام تذهب الي عصر في المستقبل ان شاء الله ؟
والي اي سنة ؟ ولماذا ؟

هل اذا وجدت في يديك السلطة تستطيع ان تغير شيئاً من احوال البلد ؟

لو خيروك تمسك وزارة تحب انهو وزارة تمسكها ؟

دائما ما تحاول طرح السلبيات الموجودة بالمنتدي وذلك للرقي به .. أعلم ذلك
هل توافق لو عرض عليك الإشراف ؟؟

وان حدث ففي اي قسم تفضل الإشراف عليه ؟ ولماذا ؟

هل تري ان الحياة لونها بمبي ؟

اوصفلنا لون حياة ميدو حالياً ؟

كلمات لمن تقولها حتي لو لأشخاص من خارج منتدانا :

انت كل دنيتي

ربنا يسامحك

كنت فين من زماااااااان

خللي بالك من نفسك

بلاش المثالية الزايدة دي

ارحم نفسك من الغرور شوية

مستي كلمة منك

طولت الغياب ليه

انت زعلان مني في حاجة

بحبك وحشتني / وحشتيني

ابعد عني احسنلك

ميدو

جاوب علي دول وراجعالك تااااااااااااااااااااني

سي يو سوووووووووووووووووووووون

جنه · 21-07-2008, 02:26 PM

ونعم الاختيار
(ميدو)شخصية متميزة بقلمة الخاص وابداعاته
وما تخطه لنا انامله من مواضيع ومشاركات قيمة هادفة ومفيدة للكل

(ميدو)هو اخونا جميعا لايبخل علينا بما يعرفه ويقدم يد العون والمساعدة لمن طلبها

فهنيئا لنا به

لي عودة ان شاء الله ومعي اسئلة خفيفة
سلام مؤقت

جنه · 21-07-2008, 03:30 PM

بسم الله نبدأ

السلام عليكم ورحمه الله وبركاته

نورتننننننننننننننننايا ميـــــــــــــــــــــدو

اتفضل واجب الضيافة الاول
انا جبتلك كرسى جميل استرخى كده وارتاح
واشرب العصيرورووووق

كام سؤال خفيف ظريف لطيف لو تسمحلى

لو شعرت انك زهقان مين اول حد يجى على بالك انك تفضفض معاه وليه ؟

ما الذى يجعلك تغضب من اعز اصدقاءك لدرجة توصلك الى مقاطعته؟

(ماذا ستفعل حينما يكون الشخص الوحيد القادر على مسح دموعك
هو من جعلك تبكي ؟)
يا ترى انتى رد فعلك وتصرفك ايه لو ده حصل معاك ؟
ماهي حكمتك في الحياة ؟؟

آخر اهتماماتك في الحياة ؟؟

كيف تستـغـل وقـتك ؟؟

هل تؤمن بالحظ ؟؟

هل انت من النوع الذي يحكم بالشكل دون النظر للجوهر ؟؟

ما هي الميزة التي تمتلكينها ولا يعرفها عنك معظم الناس ؟؟

اين تجد راحة البال ؟؟
لا يصل الناس إلى النجاح دون أن يمروا بمحطات التعب
والفشل واليأس، وصاحب الإرادة القوية لا يطيل الوقوف في هذه المحطات
.فهل جربت الفشل
ارجو ان تكون اسئلتى خفيفه لديك
تقبل تحياتى اخى الكريم

midoviga · 21-07-2008, 10:35 PM

اقتباس:

المشاركة الأصلية كتبت بواسطة aboel3zm

منور ياميدو الكرسى بجد
يلا هديك كام سؤال خفيف
وياريت كله يعمل كده
بلاش 1000 سؤال مره واحده
----------------------
والنبى الكل يسمع كلامه بس تقول لمين

1- موقف حصل او ظرف مريت بيه أثر عليك سلبا او ايجابا او غير من طريقة تفكيرك؟
تقدر تضرب كل المواقف فى كوكتيل لموقف واحد عندما توفت والدتى فأثر عليه سلبيا جدا وفى نفس الوقت اعتنيت بى وبأخواتى ووالدى واصبح لى الخبره فى تحمل المسأوليه الجاديه واصبحت طريقه تفكيرى اكثر ايجابيه فى الاشياء الطيبه التى تنفع ولا تضر
2- موقف محرج اتحطيت فيه؟
كنت مسافر مع صديق لى الى مدينه جمصه وانا فى الطريق تمزق البنكلون من الاسفل دون ان اشعر بذلك ولم يلتفت صديقى الى هذا واثناء ركبنا المترو رأيت رجلا وان جالس يقترب منى فتجاهلتها (( أفتكرته عاوز يقعد ودى كانت اول مره اجلس فيها فى المترو )) فهمس بأذنى قائلا بنطلونك مقطوع من تحت جامد يا كابتن
3- مقلب عملته فى حد؟
كان فى شهر ابريل من السنه الماضيه واقت افتعلته مع الشله بتاعتى بأكملها واقنعتهم اقتناع كامل انى تورط فى احدى الزيجات العرفيه وكان الحوار لمده 14 ساعه متواصله لوجود حل وفى النهايه (( كانت كدبه ابريل )) لا استطيع ان اقول ماذا فعلوا بي بعد ذلك
4- مقلب اتعمل فيييييك؟
كان من اصدقائى فى شقتى فدخلت فى المساء لأجد الظلام يسكن المنزل اضئت النور ولكنه لم يضىء وفاجأه عمل الكمبيوتر تلقائيا ذهبت مسرعا لأشاهده واحاول ان اضىء النور ولكنه لم يفعل ايضا ففى شقتى الكهربه مقسمه على بوحه بها العديد من الزراير ولم انتبهه الى ذلك وفجأئه اضىء النور بأكمله وهم ظهروا مره واحده من كل مكان من البلكونه وتحت السرير وخلالف فقد كان مقلب جامد جدا
5-زمااااان وانت صغير كنت بتهرب من المدرسه؟
نعم خاصتا فى المرحله الاعداديه
6- ايه ممكن يخلى midoviga يبكى؟
مره واحده بكيت عندما فقد اغلى انسان عندى فى الوجود
7-midoviga راضى عن نفسه بنسبه كام؟
85 %
8- اكتر حاجة ممكن تضايقك من اللى قدامك؟
الغباء الزائد عن الحد
9- ايه اللى ممكن تشوفه فى حد من صفات تخليك تمسك فيه بايدك وسنانك؟
كل ما تجده فى الصديق لوفى
10- باقة ورد لمن تهيدها؟
الى امى رحمها الله
11- باقة شووك لمن تهديها؟
الى من خاننى
يلا كفايه كده ولينا عوده
ليه كده مانت كنت كويس

والله منتا تاعب نفسك تانى

نورتنى بأسألتك الجميله يا عزيزى

ولى الشرف ان تكون اول الاسأله منك انت

لك ارق تحيات وتقديرى

متكتبش بالازرق تانى مفهوم

midoviga · 21-07-2008, 10:54 PM

اقتباس:

المشاركة الأصلية كتبت بواسطة emanda

لا لا لا لا لا لا لا لا

ايه الدلع ده

مش من اولها كده يا
aboel3zm

احنا لازمن نوجبوا مع ميدو بالقوووووووي

ليه كده يا بنتى ماتخليكى جادعه مره واحده فى حياتك
قولي في الأول

اسمك وسنك وعنوانك وتاريخ ميلادك
محمد / 25 / مصر شارع الملك فيصل /8*8*1982
وتاريخ تخرجك
سنه 2003
ورقم تليفونك
؟؟؟ ممنوع ولا ايه
وعنوان بيتك
ذكرته بالاعلى انتى هتخطوبيلى ولا ايه
والذي منه

صحيح انت من مواليد فين ؟ يعني اتولدت في نفس البلد اللي انت عايش فيها حالياً ؟
انا من مواليد المطريه وشرقاوى الاصل

ايه هي هواياتك ؟
السباحه / كتابه الخواطر/ الكمبيوتر والجرافيك والبرامج /الرسم / ركوب الخيل / الرياضه بأنواعها خاصتا كره القدم

وما هاي احب هواية فيهم اليك ؟ ولماذا ؟
اعشقهم جميعا والتى امارسها الان كتابه الخواطر والرسم والكمبيوتر

حبيت كام مرة .. ؟
احسب لنا كده انا عارفة ذاكرتك قوية
اوعي تحمرق في واحدة
اتنين
مين اكثر الأشخاص الذين أثروا او مازالوا يؤثرون في حياة ميدو ؟
صديق شخصى يدعى احمد
يا ريت كام اسم كده علي ما قسم

في حاجة في حياتك نفسك تعملها ومش قادر ؟
اها نفسى اتجوز
لو ركبت ألة الزمن تحب ترجع لعصر قديم ام تذهب الي عصر في المستقبل ان شاء الله ؟
الخيره فيما اختاره الله
والي اي سنة ؟ ولماذا ؟
تابع الرد على السؤال السابق
هل اذا وجدت في يديك السلطة تستطيع ان تغير شيئاً من احوال البلد ؟
سأحاول بقدر المستطاع تغيير ولو شىء واحد
لو خيروك تمسك وزارة تحب انهو وزارة تمسكها ؟
لا احب الوزاه (( رئيس دوله على طول ))
دائما ما تحاول طرح السلبيات الموجودة بالمنتدي وذلك للرقي به .. أعلم ذلك
هل توافق لو عرض عليك الإشراف ؟؟
فى الوقت الحالى لا
وان حدث ففي اي قسم تفضل الإشراف عليه ؟ ولماذا ؟
اذا حدث سأذهب الى القسم الذى احاول التعامل معه قسم البرامج
هل تري ان الحياة لونها بمبي ؟
انا شايفها لبنى بصراحه
اوصفلنا لون حياة ميدو حالياً ؟
ابيض
كلمات لمن تقولها حتي لو لأشخاص من خارج منتدانا :

انت كل دنيتي
اصدقائى
ربنا يسامحك
من خاننى ولكنى لا اسامحه
كنت فين من زماااااااان
صديقه اعتز بصدقتها جدا
خللي بالك من نفسك
الى كل من اعرفه حتى ولم اللتقى به
بلاش المثالية الزايدة دي
aboel3zm
ارحم نفسك من الغرور شوية
انا بارضوا
مستي كلمة منك
مديرى (( انت مرفود ))
طولت الغياب ليه
اماندا
انت زعلان مني في حاجة
أماندا
بحبك وحشتني / وحشتيني
احمد صديقى
ابعد عني احسنلك

شخص من خارج المنتدى ايضا يدعى
حسام

ميدو

جاوب علي دول وراجعالك تااااااااااااااااااااني

سي يو سوووووووووووووووووووووون

سى يو مين يا حاجه

كفايه كده

انتى مصدقتى ولا ايه

دانتى اتعتقتى علشان مش بتدخلى بس

متنسيش انك ممكن تقعدى تانى

midoviga · 21-07-2008, 10:55 PM

اقتباس:

المشاركة الأصلية كتبت بواسطة جنه

ونعم الاختيار
(ميدو)شخصية متميزة بقلمة الخاص وابداعاته
وما تخطه لنا انامله من مواضيع ومشاركات قيمة هادفة ومفيدة للكل

(ميدو)هو اخونا جميعا لايبخل علينا بما يعرفه ويقدم يد العون والمساعدة لمن طلبها