تعريف للمصرى

عروس النيل · 11-02-2008, 07:27 PM

بيفهم في الطب ويشخص المرض ويوصفلك الدواء وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

بيعتبر نفسه أفضل واحد في الشراء والفصال وبعد كده يكتشف إن الحاجة في المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره ما إستخدمها

ممكن يعدي التلاتين ولسه عايش مع أمه وأبوه وماعندهومش مشكلة

بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية

منقول

emanda · 14-02-2008, 04:15 PM

بجد عرفت دلوقتي اني مش لوحدي مصريه
مرسي يا عسل

aboel3zm · 14-02-2008, 04:32 PM

ههههههههههه
والله مش عارف اقولك ايه
vvvvvvvvvvvvvv
vvvvvvvvvvv
vvvvvv
vvv
v
انتى مبتعمليش كده؟

لعيب عرب لاند · 18-02-2008, 01:32 AM

لا بجد تحفة عروس النيل
بس سؤال
هو نهر النيل بيعدى على الأردن

عازفة الورد · 18-02-2008, 10:30 PM

ههههههههههههههههههههههه

حلو الموضوع شكرا

بس اهم شي انسيتي تقولي انو دمهم سكرة

ههههه وشكرا على الموضوع

تحياتي

ملاحظة : ساهر لا نهر النيل مش بيعدي على الاردن ههههههههههههههه

شكرا كتير على الموضوع مرة تانية

تحياتي

زهرة أمي · 19-02-2008, 10:01 AM

شكراً يا عروس النيل , جد دمك خفيف .

وأعتقد أن كل ما ذُكر يزيد خفة دمهم , وبحبهم جداً جداً.

مع تحياتي لك.

emanda · 29-02-2008, 08:32 PM

اقتباس:

المشاركة الأصلية كتبت بواسطة عازفة الورد;

بس اهم شي انسيتي تقولي انو دمهم سكرة

تحياتي

اقتباس:

المشاركة الأصلية كتبت بواسطة زهرة أمي;

شكراً يا عروس النيل , جد دمك خفيف .

وأعتقد أن كل ما ذُكر يزيد خفة دمهم , وبحبهم جداً جداً.

رغم ان ده موضوع عروس لكن ..
اسمحولي اشكركم علي رأيكم في المصريين
والدم الخفيف مش حكر علينا لوحدنا
معظم العرب كذلك
مرسي حلااااااااااا & زهــــرة أمـــي

عروس النيل · 04-03-2008, 12:54 PM

جزاك الله كل خير ومشكوروووووور كتير أصدقائى وأعضاء المنتدى
على مشاركتكم الطيبه
وفعلا كل العرب والمصريين خاصة فى أصعب الأوقات
تلاقيهم يضحكوا وانا جربت العمليه دى بنفسى
وأخى لعيب المنتدى نهر النيل بيعدى على على مصر
والحمد لله على هذه النعمه ربنا يجعله عامر
تحياتى وتقديرى

7ouda_014 · 10-06-2008, 07:46 PM

اقتباس:

المشاركة الأصلية كتبت بواسطة عروس النيل

والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية

ههههههههههههههههههههه
والله موضوع رووووووووعه
وعجبتنى جدا أخر جمله دى
فعلا ده هو المصرى
شكرا لكـ
عروس النيل

السوسنة · 16-06-2008, 10:09 AM

هههههههههههههههههههههه
كلنا هيك.. مش بس إنتو

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)