حوار رومانسي بين البيبسى والميراندا

11-02-2008, 08:29 PM

حوار رومانسي بين البيبسي والميراندا

الموقع :ثلاجة في سوبر ماركت

البيبسي : يا ميراندا صاحية ولا نايمة
الميراندا : صاحية وانت ايه اللي مصحيك لحد دلوقتي لسه ربع ساعة والراجل يقفل المحل ويقفل النور
البيبسي : ممكن أقعد جانبك
الميراندا : اتفضل
البيبسي : تحبي نتكلم في ايه
الميراندا : عادي أي حاجة..ولو هتطول قول علشان استأذن من بابا وأنام بره الصندوق
البيبسي ( فرحان ): احرجتيني وطلعتي زي ماقالت ماما
الميراندا : وهي قالت ايه
البيبسي : قالت الميراندا أحلى من الفانتا
الميراندا : فانتا آل فانتا آل
البيبسي : ليه مالها الفانتا دي تهبل
الميراندا : ماشي لو عاجباك روحلها في الصندوق بتاعها..سلام
البيبسي : ايه يا ميري زعلتي من كلامي دا انتي ستهم كلهم
وفي اللحظة دي صاحب المحل حط جنبهم زجاجة فانتا.....

البيبسي : نورتي الصندوق يافانتا...ايه يا أخواتي الحلاوة دي
الميراندا : وكمان بتغازلها أدامي,, وانا معاك من الصبح يا عبد يا اسود
الفانتا : دي مالها دي متعصبة...ياي غيارة
البيبسي : سيبك منها بس قولي ايه الجمال اللي أنت فيه ده
الميراندا : قولي يا قصيرة يا قزمة
الفانتا : روحي كده وانتي بآلك اسبوع مرمية في الصندوق ومحدش معبرك
البيبسي : هدوء يا جماعة كل واحدة فيكم فيها مميزات انتو الاتنين حلوين
وفجأة جه زبون المحل وخد الثلاث زجاجات في كيس
وروح البيت وفتح الفنتا وشربها...

البيبسي : الحمد لله كانت مضايقانا الفانتا............ (منافق وبوشين)
الميراندا : وكمان جايلك عين تتكلم...روح وراها يا اسود
البيبسي (بينه وبين نفسه ) : ضاعت عليا الفانتا وكمان الميراندا
وجلست الميراندا تبكي وتقول لنفسها يقطع الحب وسنينه
لحد اما سخنت وجه واحد يشربها وجدها سخنة فألقى بها في سلة المهملات
وكانت دي نهاية مؤلمة لقصة حب...... ساخنه جدا

12-02-2008, 12:58 PM

ههههههههههههههه

يسلموو عالقصة الحلوة

تحياتي

23-02-2008, 05:09 PM

ههههههههههههههههه
انا عاوزة اعرف بقي ايه اللي حصل
للبيبسي أبو عيون زااااااايغة ؟

تسلمي يا عروس المنتدي
متميزة حتي في ضحكاتك

25-02-2008, 08:28 PM

شكرا على الحوار دة يا لؤلؤة المنتدى صح

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حوار مع النفس	عروس النيل	الشعر و سحر القلم	1	09-07-2008 03:07 AM
حوار صحفى مع الحب	midoviga	•• المنتدى العام ••	8	25-06-2008 08:55 PM
حلي رومانسي لا يفوتكم	امرأة عربية	الحلويات	0	31-03-2008 11:02 AM
حوار الحب .....؟؟؟؟	كريم رضا	•• المنتدى العام ••	5	17-02-2008 08:08 PM
حوار بين جده وحفيدتها عام 2055	عروس النيل	•• منتدى التسليه والترفيه ••	1	14-02-2008 04:19 PM

الذين يشاهدون محتوى الموضوع الآن : 1 ( الأعضاء 0 والزوار 1)